სვანეთში, სოფელ ჭუბერში მდებარე ლახამი ჰესის წლიური გამომუშავება 80 მილიონი კვტ/სთ-ია. პროექტის საინვესტიციო ღირებულებამ 25 მილიონი დოლარი შეადგინა. ლახამი ჰესი ორი წყალმიმღებისგან შედგება, რომელთა საერთო დადგმული სიმძლავრე 16 მეგავატია. ლახამი ჰესი წარმოადგენს დერივაციული ტიპის ორსაფეხურიანი ჰესების კასკადს (ლახამი 1 ჰესი, დადგმული სიმძლავრით 6,4 მგვტ და ლახამი 2 ჰესი, დადგმული სიმძლავრით 9,5 მგვტ). ორივე ჰესზე მოწყობილია მიწისზედა ჰესის შენობები და ორივე წყალმიმღებთან – ვერტიკალური ჭრილის თევზსავალები, რომლის დანიშნულებაა ადგილობრივი თევზის გატარება ჰიდროკვანძის ქვედა ბიეფიდან ზედა ბიეფში. აღნიშნული პროექტის ფარგლებში „სიემსიმ“ განახორციელა პროექტის ბიუჯეტირება და სამოქალაქო მშენებლობის სამუშაოების პროექტის რევიზია.